Beneficiarios:

a) Aquelas persoas físicas ou xurídicas titulares de explotacións apícolas. Será requisito para a obtención das axudas, estar inscrito no rexistro oficial apícola da Comunidade Autónoma, polo menos con anterioridade ao primeiro de xaneiro do ano 2009. Ademais, os beneficiarios deberán cumprir coas obrigas establecidas no artigo 14 da Lei 38/2003, do 17 de novembro, xeral de subvencións.

Os colmeares abandonados e as colmeas mortas non darán dereito ao cobramento de axudas polo seu titular.

b) Cooperativas apícolas e organizacións representativas con personalidade xurídica de seu, integradas na súa maioría por apicultores que cumpran os requisitos da letra a).

Finalidade:

a) Prestar información e asistencia técnica: asesoramento e formación de apicultores, formación de persoal de centros de envasamento e de laboratorios de organizacións apícolas, técnicas apícolas, divulgación. Para esta liña a subvención será do 50% dos gastos.

b) Loita contra a varroase, actividades inescusablemente ligadas a un programa sanitario supervisado por un veterinario responsable da súa correcta aplicación e funcionamento: asociacións de defensa sanitaria, custos de tratamentos químicos autorizados que non sexan subvencionados doutro xeito, métodos de loita biolóxica, mellora das condicións de tratamento das colmeas. Para esta liña a subvención será do 50% dos gastos en produtos, outros materiais e asistencia técnica. E do 50% do custo da contratación dun veterinario, ou do 90% no suposto de que a contratación sexa en exclusividade, cunha limitación de 36.000 euros para subvención deste contrato.

c) Racionalizar a transhumancia: identificación das colmeas e dos marcos, investimentos en equipamentos de uso exclusivo para manipulación de colmeas, divulgación de boas prácticas de transhumancia, acondicionamento de espazos, seguro de danos e responsabilidade civil. Para esta liña a subvención será do 50% dos gastos, agás a identificación das colmeas na que a subvención será do 70%.

d) Apoio á repoboación da cabana apícola: programa de cría de raíñas autóctonas para a renovación do censo que incluirá a produción de núcleos e a distribución a outros apicultores, reposición de baixas con enxames autóctonos. Para esta liña a subvención poderá ser do 50% dos gastos.

Presentación de solicitudes: As solicitudes presentaranse preferentemente nos rexistros dos órganos dependentes da Consellería do Medio Rural. Así mesmo, poderán presentarse nos rexistros de calquera órgano administrativo que pertenza á Administración xeral do Estado, á de calquera Administración das comunidades autónomas, ou a algunha das entidades que integran a Administración local, se neste último caso, se subscribiu o oportuno convenio

Prazo de presentación: do 10 de decembro de 2009 ao 9 de xaneiro de 2010.

Publicación: DOG nº 239, mércores 9 de decembro de 2009

Máis Información (Anexos): http://www.xunta.es/dog/Dog2009.nsf/0e5fb445f3681a75c1257251004b10d7/7f077e94f02013e1c125768200521971/$FILE/23900D005P034.PDF

CENTRO DE INFORMACIÓN AO AGRO GALEGO - CIAG; Estrada de San Marcos, s/n - 15780 Santiago de Compostela Teléfono: 902 112 000 / Fax: 981 559 801