3207 hits

A Sala Sanoguera Fotografa Arte e Deseño de Melide convoca a artistas de calquera nacionalidade e idade a participar na súa exposición Melide Mail Art 2009.

Coas obras dos participantes farase unha exposición na Sala Sanoguera Fotografa Arte e Deseño de Melide no verán de 2009 e editarase un pequeno libro coas pezas dos participantes, creando un espazo web en que se poidan ver as pezas enviadas.
As obras deben cumprir: * Os artistas que desexen participar terán que enviar unha obra en papel, orixinal, copia, fotografía, reprodución (ou o que o propio artista estime oportuno) en formato tarxeta postal nas súas distintas medidas tradicionais.
* O tema será libre.
* A tarxeta postal deberá presentar un cuño da oficina de correos desde a que se envíe plasmado sobre o propio debuxo ademais do selo correspondente no reverso como calquera postal tradicional. Non se aceptarán postales enviadas dentro dun sobre.
* No reverso deberá figurar o nome completo ou nome artístico do autor, o seu lugar e data de nacemento e o seu lugar actual de residencia.
* O prazo para enviar as postales quedará aberto ata o 30 de marzo de 2009.
* As postales deberán enviarse a:

Melide Mail Art 2009
Sanoguera Fotografa Arte e Deseño
Rolda de Pontevedra 45 baixo
15800 Melide
A Coruña España

O feito de enviar a postal ou postales e participar significa que os artistas aceptan as decisións que a Sala deba tomar con respecto ás postales, a súa publicación en Internet ou calquera outra decisión que houbese que tomar no transcurso do proceso expositivo.