2592 hits

O Voluntariado en Defensa do Monte Galego é un proxecto de educación ambiental multidisciplinar que quere involucrar á sociedade na construcción dun medio rural sostible capaz de xerar riqueza e benestar. Esta iniciativa encádrase dentro das novas políticas da Xunta de Galicia que priman a prevención e a educación para resolver os problemas causados polos incendios forestais.
A función dos voluntarios e voluntarias será sempre complementaria da que van exercer os profesionais. Esta consistirá en realizar un tipo de vixilancia denominada disuasoria, ao tempo que van recibir formación ambiental sobre o terreo.
OBXECTIVOS
Os obxectivos do Voluntariado en Defensa do Monte Galego son facilitar canles de participación e crear espazos de colaboración social; evitar a aparición de incendios forestais mediante a vixilancia disuasoria e formar ambientalmente aos voluntarios e ás voluntarias. Por outra banda, tamén se quere promover a interpretación do noso patrimonio natural, cultural e histórico, así como impulsar as boas prácticas centradas na prevención dos lumes e no aproveitamento multifuncional do monte e divulgar a normativa vixente en materia forestal.

Vincular o tempo de lecer ao coidado do medio contribúe a poñer en valor o noso patrimonio, tanto natural como histórico. En concreto, considérase que a posta en marcha deste programa é un pequeño xesto por parte da administración pero que, pola contra, supón un garante para o futuro da nosa comunidade.

REQUISITOS
● Ser maior de idade
● Ter ganas de colaborar

INSCRICIÓN
As persoas interesadas en participar poden apuntarse chamando ao Teléfono Solidario 900 400 800 de 8.00 a 20.00 horas de luns a venres e de 9.00 a 21.00 horas nas fins de semana. Tamén poden enviar un correo electrónico ao enderezo Esta dirección electrónica esta protegida contra spam bots. Necesita activar JavaScript para visualizarla
Tedes + info en www.voluntariadogalego.org