2294 hits

Non deixedes pasar o prazo para solicitar as bolsas para a adquisición de libros de texto, materiais curriculares e material didáctico e complementario destinadas ao alumnado matriculado en centros sostidos con fondos públicos en 1º, 2º, 5º e 6º de educación primaria e en educación especial no curso escolar 2009/2010.

A Consellería de Educación e Ordenación Universitaria aboará as bolsas para o alumnado solicitante matriculado en 1º, 2º, 5º ou 6º curso de educación primaria que reúna os requisitos previstos nesta orde nos seguintes importes por alumno/a e curso, segundo os ingresos da unidade familiar no ano 2008 dividido polo número de membros:
*Familias monoparentais:
-Con ingresos ata 6.000 euros: 180 euros.
-Con ingresos entre 6.000,01 ata 9.000 euros: 104 euros.
*Resto das familias:
-Con ingresos ata 5.400 euros: 180 euros.
-Con ingresos entre 5.400,01 ata 9.000 euros: 104 euros.
No caso de que nunha mesma familia haxa varios alumnos que cumpran as condicións desta orde a solicitude de cada alumno será valorada individualmente, recibindo cada un a contía que lle corresponda segundo o establecido nesta convocatoria.
Prazo de presentación: desde o 1 ao 30 de setembro de 2009
Todos os alumnos de educación especial que soliciten a bolsa e que cumpran os requisitos desta orde recibirán un importe de 250 €, con independencia da renda per cápita familiar.

Presentación de solicitudes: As solicitudes poderán obterse nos centros, nos departamentos territoriais da Consellería de Educación e Ordenación Universitaria e tamén se poderán descargar do portal educativo no enderezo electrónico www.edu.xunta.es, punto de gratuidade de libros de texto. A solicitude poderá ser cuberta directamente no citado enderezo e, unha vez cuberta, o interesado poderá imprimila e asinala para poder presentala por duplicado, na secretaría dos centros docentes. A solicitude deberá ser asinada polo pai, a nai ou titor/a do alumnado agás nos supostos de separación ou divorcio nos que poderá ser asinado unicamente polo proxenitor que teña a custodia do menor. Todo iso sen prexuízo da sinatura por parte do resto de membros da unidade familiar computables que sexan maiores de idade.

Publicación: DOG nº 166, martes 25 de agosto de 2009

Máis Información (Anexos): http://www.xunta.es/dog/Dog2009.nsf

Director Xeral de Centros e Recursos Humanos: Teléfonos: 981 54 65 58 - 981 54 65 59 Fax: 981 54 65 42 Correo electrónico: Esta dirección electrónica esta protegida contra spam bots. Necesita activar JavaScript para visualizarla