1762 hits

O PP de Melide quere poñer en coñecemento dos cidadáns que o Concello de Melide esqueceu enviar á Deputación provincial os padróns  para que poida tramitar o cobro dos recibos do lixo e dos vados, algo que segundo Ánxeles Vázquez endexamais ocorreu neste municipio. A voceira do PP informou que para que o Concello recaude esta partida a Deputación ponlle ós concellos como límite o mes de agosto para que remitan os padróns, aínda que con anterioridade por decreto da alcaldía se teñen que publicar en xuño  para que os cidadáns poidan reclamar, e posteriormente a Deputación emitilos aos contribuíntes, trámite que  non foi  cumprido  por parte do Concello.
A edil popular advertiu que as consecuencias serán nefastas para tódolos melidenses porque o Concello deixará de ingresar máis de 300.000 euros.

O Grupo Popular considera unha falta de respecto ós cidadáns que por deixadez política os veciños de Melide sexan prexudicados, porque o municipio terá que afrontar a grave situación financeira na que se atopa sen estes ingresos.


Ante a gravidades dos feitos os populares esixen á alcaldesa que de unha explicación pública ós veciños porque non pode resolver este problema como fai con tódolos conflictos no Concello que é votarlle a culpa a quen non a ten, xa que algún político nalgún medio de comunicación dixo claramente que é un problema da Deputación, cando a responsabilidade é única e exclusivamente  dos gobernantes de Melide que non saben por onde andan .

O PP de Melide asegura que a falta deste ingreso no Concello contribuirá a un caos económico difícil de soportar polo que Ánxeles Vázquez aconséllalle a Cea que deixe de preocuparse tanto por saír tanto na foto e se esforce en facer os trámites mínimos esixidos a un alcalde como son os as xestións económicas, xa que non pode esquecer que non está xogando cos seus cartos senón cos cartos de tódolos veciños.

A pregunta que a voceira do PP esixe que resposte a alcaldesa é que vai ocorrer o vindeiro ano  e se os melidenses terán que pagar o dobre por cometer este ano  a rexedora nacionalista un erro imperdonable propio dun gobernante incapaz de xestionar o Concello.
Fonte Web do Partido Popular