1186 hits

A voceira do Partido Popular de Melide, Ánxeles Vázquez, insta ó Concello a que explique, no próximo pleno, o traballo que está a desenvolve-lo asesor musical do Conservatorio de Melide. Neste senso, a representante popular indica que, despois de preguntar a pais e alumnos, ninguén coñece a actividade que realiza o asesor musical, polo que o PP esixe que se lle poña “luz e taquígrafos” a esta figura. A voceira do PP afirma que esta figura debería ser desenvolvida polo Director do Conservatorio e non contratar a outra persoa a maiores, tal e como viña sucedendo anos atrás antes da chegada de Cea ó Consistorio.
Váquez lembra que o concello “está batendo tódolos récords de contratación de asesores”, xa que, tal e como indica a voceira popular, ademais do asesor musical, conta cun asesor xurídico, outro urbanístico e, tamén, de comunicación. Para a representante popular, o número de asesores que hai actualmente no goberno local é “ilóxico”, porque supón unha carga incrible de soldos que dificilmente se dará sustentado. Neste sendo, a voceira popular informa de que o soldo do asesor musical supera os 2.000 euros, tal e como figura nas facturas que está a pagar o concello. “De aí que non sexa de estrañar que Melide figure entre os corenta concellos de Galicia con graves problemas para paga-las nóminas o vindeiro ano”, denuncia Vázquez.

Por último, a representante popular considera que a nefasta xestión de Cea ó fronte do goberno local está “botando pola borda anos e anos de intenso traballo a prol do Conservatorio”. Vázquez lémbralle á alcaldesa que, gracias ó traballo de tódolos melidenses, “Melide contou antes de chegar a nacionalista ó poder  con un conservatorio de grado medio modélico, a terceira orquestra sinfónica de Galicia e unha gran banda e está botando todo pola borda”, por iso esíxelle que “xestione máis e mellor o Concello e se deixe, en cambio, de inventarse postos de traballo”.

Fonte pp da Coruña